Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 154 Hüküm no: 181 Orijinal metin no: [23b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Zeliha Hanım’ın kocasından muhalaa yoluyla boşandığı Muhâla‘a Ma‘rûz İstanbul’da Küçükkaraman kurbünde Hoca Hayreddin mahallesinde sâkine sâhibe-i arzuhâl mu’arrefetü’z-zât Şerife Zeliha bt. es-Seyyid Mehmed nâm Hatun İstanbul Bâb Mahkemesi’nde meclis-i şer‘-i münîrde zevc-i muhâlı‘ı derûn-ı arzuhâlde ismi mezkûr es-Seyyid Abdülvahid Ağa b. es-Seyyid Yusuf nâm kimesne muvâcehesinde <> mezbûr es-Seyyid Abdülvahid Ağa altı yüz bir guruş mehr-i mu‘accel-i müstevfâ ve beş yüz elli bir guruş mehr-i müeccel tesmiyeleriyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel-i mezkûrem olan beş yüz elli guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve mâlım olarak zevcim mezbûrun yedinde mevcûd aynen bana teslîme müte‘ahhid olduğu bez [bir] şâlî ferâce ve iki basma şalvar ve bir basma hırka ve bir sadefli çekmece ve bir telli âyineden mâ‘adâ ibtidâ-i zevciyyetden işbu târîh-i i‘lâma gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 24 Ramazan sene [12]55