Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 154 Hüküm no: 180 Orijinal metin no: [23a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Kirmandos’un borcunu ödemesi Ma‘rûz Bakkāl tâifesinden arzuhâl eden Abraham v. Yakof nâm zimmî İstanbul Bâb Mahkemesi’nde meclis-i şer‘-i hatîrde mukaddemâ destgâhdârı derûn-ı arzuhâlde mastûrü’l-ism Yorgi v. Kirmandos nâm zimmî muvâcehesinde mersûm Yorgi zimmî ile beynimizde cereyân eden ahz ü i‘tânın hesâbını bundan akdem rü’yet eylediğimizde benim mersûmun zimmetinde bin beş yüz guruş hakkım zuhûr etmekle meblağ-ı mezkûrun altı yüz guruşu mütâlebesine müte‘allika da‘vâdan mesfûr Yorgi zimmînin kabûlü hâvî ibrâ ve iskāt etmemle bâkīsi olan dokuz yüz guruşu mersûm Yorgi zimmîden hâlâ taleb ederim deyü <> da‘vâ ettikde ol dahi cevâbında kaziyye minvâl-i meşrûh üzere olduğunu bi-tamâmihâ ikrâr ü i‘tirâf etmeğin alâ-mûcibi ikrârihi meblağ-ı bâkī-i merkūm dokuz yüz guruşun müdde‘î-i mersûm Abraham zimmîye edâ ve teslîm[in]e [23b] mesfûr Yorgi zimmî ilzâm olunduğu huzûr[-ı âlîlerine i‘lâm olundu] Fî 27 Ramazan sene [12]55