Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 155 Hüküm no: 183 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın kocasından muhalaa yoluyla boşandığı Nüshateyn Muhâla‘a Ma‘rûz İstanbul’da Karabaş mahallesinde sâkine mu’arrefetü’z-zât <> Âişe bt. Abdullah nâm hatun İstanbul Bâb Mahkemesi’nde meclis-i şer’de zevc-i mutallıkı Hüseyin Ağa b. Hüseyin nâm kimesne muvâcehesinde mezbûr Hüseyin Ağa otuz bir guruş mehr-i müeccel tesmiyesiyle zevc-i dâhilim iken bundan akdem beni tatlîk etmekle ve ba‘dehu otuz beş guruş mehr-i müeccel tesmiyesiyle yine beni tezevvüc ve duhûl ve tatlîk ve ba‘dehu yine beni elli bir guruş mehr-i müeccel tesmiyesiyle tezevvüc ve duhûl edip târîh-i i‘lâmdan altı gün mukaddem yine tatlîk etmekle zimmetinde <> mühûr-ı mezkûrum olan cem‘an yüz on yedi guruş nafaka-i iddet-i ma‘lûmem ve me’ûnet-i süknâm mukābelelerinde bi’t-terâzî beynimizde ta‘yîn olunan otuz üç guruş ki cem‘an yüz elli guruşu zevcim mezbûr işbu meclis-i şer’de bana tamâmen def‘ ü teslîm ben dahi yedinden ahz u kabz etmemle hukūk-ı zevciyyete ve ibtidâ-i zevciyyetimizden işbu târîh-i i‘lâma gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 9 Ramazan sene [12]55