Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 156 Hüküm no: 184 Orijinal metin no: [23b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Hasan’ın küçük kızı için nafaka ödemesi Nafaka Ma‘rûz Medîne-i Üsküdar’da Solaksinan mahallesinde sâkine sâhibe-i arzuhâl mu’arrefetü’z-zât Şerife Havva bt. Ahmed nâm hatun İstanbul Bâb Mahkemesi’nde meclis-i şer’de zevc-i mutallıkı derûn-ı arzuhâlde ismi mezkûr Kayıkçı Hasan b. Ahmed nâm kimesne muvâcehesinde mezbûr Hasan ile mukaddemâ zevciyyet beynimizde kāime iken mezbûrun firâşından hâsıla ve benden mütevellide ve bi-hakkı’l-hıdâne hâlâ hacr [24a] ve terbiyemde olan tahmînen bir yaşında Şerife Fâtımatüzzehrâ nâm sagīrenin aslâ mâlı olmayıp nafaka ve kisveye eşedd-i ihtiyâc ile muhtâce olmağla sagīre-i mezbûrenin nafakasi’çün babası mezbûr üzerine kıbel-i şer‘den kadr-ı ma‘rûf meblağ farz ve takdîr olunmak bi’l-hıdâne matlûbumdur dedikde ol dahi ba‘de’t-tasdîk sagīre-i mezbûre nafakasi’çün babası mezbûr üzerine işbu târîh-i kitâbdan be-her mâh yirmi beş guruş kıbel-i şer‘den farz ve takdîr buyurup meblağ-ı mefrûz-ı mezkûru sagīre-i mezbûrenin nafaka ve kisve ve sâir levâzım-ı zarûriyesine harc ü sarfa ve lede’l-iktizâ istidâneye ve inde’z-zafer babası mezbûr Hasan üzerine rücû‘a vâlidesi ve hâzinesi mezbûre Şerife Havva Hatun’a izin verildiği huzûr[-ı âlîlerine i‘lâm olundu] Fî 8 Şevvâl sene [12]55