Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 167 Hüküm no: 203 Orijinal metin no: [26b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Bağdisar’ın borcunu ödemesi 100 guruşa hüküm Ma‘rûz Haçador v. Agop nâm zimmî İstanbul Bâb Mahkemesi’nde meclis-i şer‘-i münîrde Terzi Bağdisar v. Bedros nâm zimmî muvâcehesinde mersûm Bağdisar zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bâ-temessük bin beş yüz guruş alacak hakkım olmağla meblağ-ı mezkûru mesfûr Bağdisar zimmî[den] <> hâlâ taleb ederim deyü tasaddî eylediğim da‘vâmdan bâ-tavassut-ı muslihîn zimmî-i mersûm ile bi’t-tav‘ ve’r-rızâ dokuz yüz guruş üzerine ba‘de akdi’l-musâlahati ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr dokuz yüz guruşun müdde‘î-i mesfûr Haçador zimmîye edâsıyla mesfûr Bağdisar zimmî ilzâm olunduğu tescîl ve mübâşirleri Bâb-ı Seraskerî kavaslarından Mehmed Kavas kulları yediyle huzûr[-ı âlîlerine i‘lâm olundu] Fî 8 Şevvâl sene [12]55