Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 166 Hüküm no: 202 Orijinal metin no: [26b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin borcunu ödediği 400 guruş men‘ Ma‘rûz Sâhib-i arzuhâl Külâhcı es-Seyyid Ali b. Ahmed nâm kimesne İstanbul Bâb Mahkemesi’nde meclis-i şer‘-i münîrde derûn-ı arzuhâlde ismi mezkûr es-Seyyid Ahmed Efendi b. Mehmed Memiş nâm kimesne muvâcehesinde mezbûr es-Seyyid Ahmed Efendi zimmetinde bundan akdem mâlımdan ve yedimden iştirâ ve kabz eylediği ma‘lûmü’l-aded ve’l-fiyat külâh semeninden ba‘de külli’l-hesâb gayr-ı ez-teslîmât sahhu’l-bâkī dört yüz guruş alacak hakkım olmağla meblağ-ı bâkī-i mezkûru mezbûr es-Seyyid Ahmed Efendi’den hâlâ taleb ederim deyü ba‘de’d-da‘vâ etdikde ol dahi cevâbında ber-minvâl-i muharrer ikrâr lâkin ben deynim olan meblağ-ı bâkī-i merkūmu bin iki yüz kırk üç senesi hilâlinde mahrûse-i Galata’da vâki’ Beyoğlu kışlağında müdde‘î-i merkūm es-Seyyid Ali Ağa’ya tamâmen edâ ve teslîm etmişidim deyü müdde‘î-i merkūmun inkârına mukārin eylediği def‘ini lede’t-tezkiye adl ve makbûlü’ş-şehâde idikleri ihbâr olunan Mülâzım Hasan Ağa b. İbrahim ve İbrahim Ağa b. Ali nâm kimesne şehâdetleriyle bi’l-muvâcehe ber-nehc-i şer‘î isbât etmeğin <> müdde‘î-i merkūm es-Seyyid Ali Ağa da‘vâ-yı mezkûresiyle mezbûr es-Seyyid Ahmed Efendi’ye bî-vech-i şer‘î mu‘ârazadan men‘ olunduğu huzûr[-ı âlîlerine i‘lâm olundu] Fî 9 Şevvâl sene [12]55