Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 170 Hüküm no: 209 Orijinal metin no: [27b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocasından boşanan Rukiye Hanım’ın mehrini ve nafakasını aldığı Tatlîk Ma‘rûz İstanbul’da Çırçır kurbünde Hacıhasan mahallesinde sâkine mu’arrefetü’z-zât Rukiye Hanım bt. Mehmed Servet İstanbul Bâb Mahkemesi’nde meclis-i şer‘-i münîrde zevc-i mutallıkı İsmail Şükrü Efendi b. Mustafa nâm kimesne muvâcehesinde mezbûr İsmail Şükrü Efendi zevc-i dâhilim iken işbu sene-i mübârekenin on beşinci günü beni tatlîk etmekle mezbûrun zimmetinde mütekarrir ve ma‘kūdün-aleyh olan mehr-i müeccel hakkım bin bir guruş ile nafaka-i iddet-i bakiye-i ma‘lûmem ve me’ûnet-i süknâm mukābelelerinde bi’t-terâzî beynimizde ta‘yîn olunan üç yüz guruş ki cem‘an bin üç yüz bir guruşu zevcim işbu meclis-i şer’de bana tamâmen def‘ ü teslîm ben dahi yedinden ahz u kabz etmemle ancak hukūk-ı zevciyyete müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Kesmekayalı Ahmed Kavas kulları yediyle huzûr[-ı âlîlerine i‘lâm olundu] Fî 12 Şevvâl sene 1255