Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 183 Hüküm no: 229 Orijinal metin no: [30b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Ömer’in hanımının mehr-i muaccelini ödemesi Mu‘accel hükmü Ma‘rûz İstanbul’da Küçükmustafapaşa kurbünde Gül Cami‘i mahallesinde sâkine mu’arrefetü’z-zât Şerife Fâtımatüzzehrâ bt. Mehmed nâm hatun İstanbul Bâb Mahkemesi’nde meclis-i şer‘-i hatîrde hâlâ zevci berber esnâfından es-Seyyid Ömer b. Mehmed nâm kimesne muvâcehesinde ben bundan akdem nefsimi iki yüz elli guruş mehr-i mu‘accel ve üç yüz guruş mehr-i müeccel tesmiyeleriyle mezbûr es-Seyyid Ömer’e tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup mehr-i mu‘accel-i mezkûr iki yüz elli guruşu bana edâ ve îfâya zevcim merkūm es-Seyyid Ömer’e tenbîh olunmak matlûbumdur deyü ba‘de’d-da‘vâ ve’l-istintâk ol dahi cevâbında kaziyye minvâl-i muharrer üzere olduğunu tâyi‘an ve kat‘iyyen ikrâr ve i‘tirâf etmeğin alâ-mûcibi i‘tirâfihi mehr-i mu‘accel-i mezkûr iki yüz elli guruşu zevce-i müdde‘iyye-i merkūme Şerife Fâtımatüzzehrâ Hatun’a edâ ve teslîme merkūm es-Seyyid Ömer’e tenbîh olunduğu huzûr[-ı âlîlerine i‘lâm olundu] Fî 18 Şevvâl sene 1255