Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 183 Hüküm no: 230 Orijinal metin no: [30b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Bretamos zimmînin borcunu ödemesi 13000 guruş [hüküm] Ma‘rûz Tütüncü tâifesinden arzuhâl eden Kirhor v. Mikail nâm zimmî İstanbul Bâb Mahkemesi’nde meclis-i şer‘-i hatîrde şerbetçi tâifesinden derûn-ı arzuhâlde ismi mezkûr Bre<>tamos v. Ananya nâm zimmî muvâcehesinde mesfûr Bretamos zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği cihet-i karzdan bâ-temessük on üç bin guruş alacak hakkım olmağla meblağ-ı mezkûru mesfûr Bretamos zimmîden hâlâ taleb ederim deyü ba‘de’d-da‘vâ ve’l-ikrâr alâ-mûcibi i‘tirâfihi meblağ-ı mezkûr on üç bin guruşun müdde‘î-i mesfûr <> Kirhor zimmîye edâsıyla mersûm Bretamos zimmî ilzâm olunduğu huzûr[-ı âlîlerine i‘lâm olundu] Fî 24 Şevvâl sene 1255