Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 210 Hüküm no: 276 Orijinal metin no: [36b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kirhor’un Mehmed Ağa’ya açtığı alacak davasında haksız bulunduğu Mu‘ârazadan men‘ Ma‘rûz Derûn-ı arzuhâlde mastûrü’l-ism Kirhor v. Karabet nâm zimmî İstanbul Bâb Mahkemesi’nde meclis-i şer‘-i münîrde mûytâb esnâfından arzuhâl eden el-Hâc Mehmed Ağa b. Ahmed nâm kimesne muvâcehesinde ben merkūm el-Hâc Mehmed Ârif Ağa ile beher şehr yüz guruş ücret mukāvelesiyle bin iki yüz elli üç senesi Saferi’l-hayrı gurresinden sene-i sâbıkā Cumâdelâhiresi gāyetine gelince Anadolu’da Zağferanborlu (Safranbolu) kazâsında kendiye beş ay hizmet ve ba‘dehu müfârakat etmemle müddet-i mezkûrede ecr-i müsemmâmdan merkūmun zimmetinde müctemi‘ beş yüz guruş ve bi-şartı’r-rücû‘ emriyle lâzıme-i ma‘lûmesine <> masrûfum olup bi’l-mürâca‘a masrûfum olan bin iki yüz seksen beş guruş ki cem‘an bin yedi yüz seksen beş guruş alacak hakkım olmağla meblağ-ı mezkûru merkūm el-Hâc Mehmed Ârif Ağa’dan hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Kirhor zimmî ber-vech-i muharrer müdde‘âsına ikāmet-i beyyine edemeyip bi’t-taleb merkūm el-Hâc Mehmed Ârif Ağa bi’l-muvâcehe ber-nehc-i şer‘î üzere tahlîf olunmağın mûcebince müdde‘î-i mesfûr Kirhor zimmî da‘vâ-yı mezkûresiyle merkūm el-Hâc Mehmed Ağa’ya bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 10 Şevvâl sene [12]55