Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 211 Hüküm no: 278 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbiş’in Arabacı Ali’ye ait olan bir çift öküzü iade etmesi Ma‘rûz Arabacı Ali b. Yakub İstanbul Bâb Mahkemesi’nde meclis-i şer‘-i münîrde İbiş b. Ahmed nâm kimesne muvâcehesinde işbu târîhden üç ay mukaddem sekiz yüz guruş kıymetli bir çift öküzümü altı yüz yetmiş guruş semen tesmiyesiyle gāib ani’l-meclis ismi ma‘lûmum olmayan bir kimesne mezbûr İbiş’e nes’eten fuzûlî bey‘ ü teslîm etmişidi el-hâletü hâzihî ben meblağ-ı mezkûru mücîz olmamamla zikr olunan öküzleri bana teslîme mezbûr İbiş’e tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere olduğunu ikrâr ü i‘tirâf etmeğin mûcebince zikr olunan öküzleri müdde‘î-i merkūm Ali’ye teslîme merkūm İbiş’e tenbîh olunduğu mübâşirleri Bâb-ı Seraskerî kavaslarından Mustafa Kavas kulları yediyle huzûr-ı [âlîlerine i‘lâm olundu] Fî 14 Zilka‘de sene [1]255