Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 211 Hüküm no: 279 Orijinal metin no: [37a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Ohannes’in Berber Aci Kabril’e olan borcunu ödemesi 442 guruş hüküm Ma‘rûz Arzuhâl eden Berber Aci Kabril v. Maruke nâm zimmî İstanbul Bâb Mahkemesi’nde meclis-i şer‘de derûn-ı arzuhâlde ismi mastûr Berber Ohannes v. Manuk nâm zimmî muvâcehesinde ben bundan akdem mersûm Ohannes zimmînin bi-şartı’r-rücû‘ emriyle dükkân icâresinden ve cihet-i karzdan dâyinleri gāibûn ani’l-meclis Hasan Ağa’ya iki yüz guruş ve yine dâyini ismi ma‘lûmum olmayan bir kimesneye yirmi iki guruş ve Berber Simyon zimmîye yetmiş guruş ve diğer Ohannes zimmîye elli guruş ki cem‘an dört yüz kırk iki guruş mâlımdan medfû‘âtım olmağla meblağ-ı mecmû‘-ı mezkûr dört yüz kırk iki guruşu mersûm Ohannes zimmîden bi’l-mürâca‘a hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr dört yüz kırk iki guruşun müdde‘î-i mersûm Aci Kabril zimmîye bi’l-mürâca‘a edâ ve teslîme mesfûr Ohannes zimmî ilzâm olunduğu huzûr-ı [âlîlerine i‘lâm olundu] Fî 9 Zilka‘de sene [12]55