Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 215 Hüküm no: 286 Orijinal metin no: [38a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karabaş mahallesi ahalisinin Saraç Mehmed Ağa’nın zevceleri Fâtıma, Saime ve Hatice’nin mahallelerinden ihraç edilmelerini talep ettikleri Mahalleden ihrâc Ma‘rûz Ashâb-ı arzuhâl İstanbul’da Yenibahçe kurbünde Karabaş mahallesi imâmı Mehmed Rüstem Efendi b. Abdullah ve Muhtar-ı evveli Tabancacı Mehmed Ağa b. Memiş ve Muhtar-ı sânîsi Ali Ağa b. Halil ahâlîsinden Sarrâc Ahmed Ağa ve Peştemalci Abdullah Ağa ve Osman Ağa ve Koltukçu el-Hâc Ahmed Ağa ve teba‘adan İbrahim Ağa nâm kimesneler ve sâirleri İstanbul Bâb Mahkemesi’nde meclis-i şer‘-i münîrde mahalle-i mezbûre sâkinelerinden derûn-ı arzuhâlde isimleri mezkûre Sarrâc Mehmed Ağa zevcesi demekle arîf zâtları mu‘arrefeler Fâtıma bt. Süleyman ve Saime bt. Abdullah ve Hadice bt. Abdi nâm hatunlar muvâcehelerinde mezbûrât Fâtıma ve Saime ve Hadice hatunlar mahalle-i mezbûr sâkinelerinden olup lâkin kendi hâllerinde ırz ve edebleriyle mukayyedeler olmayıp bed-zebân ve hadîdetü’l-lisân olduklarından mâ‘adâ dâimâ muvâcehelerimizde bizlere ta‘zîri mûceb elfâz-ı kabîha ve şütûm-ı galîza ile şetm etmeleriyle ol vechile mezbûrâtın bu gûnâ harekât-ı nâ-marziyelerinden bir türlü emn ü rahatımız meslûb olmuşdur deyü muvâcehelerinde sû-i hâllerinden bahisle iştikâ ve mahalle-i mezbûreden hurûclarını istid‘â eyledikleri huzûr-ı [âlîlerine i‘lâm olundu] Fî 15 Zilka‘de sene 1255