Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 215 Hüküm no: 287 Orijinal metin no: [38a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgancı Hüseyin Efendi’nin Hurda Çivici Parsih ve Kirhor’a olan borcunu ödemesi 800 guruş hüküm Ma‘rûz Hurda enserci tâifesinden sâhib-i arzuhâl Parsih v. Ohannes ve Kirhor v. Mardiros nâm zimmîler İstanbul Bâb Mahkemesi’nde meclis-i şer‘-i hatîrde derûn-ı arzuhâlde mezkûrü’l-ism Yorganî es-Seyyid Hüseyin Efendi b. Mustafa muvâcehesinde mezbûr es-Seyyid Hüseyin Efendi zimmetinde bundan akdem müşterek mâlımızdan ve yedimizden iştirâ ve kabz eylediği kıyye ve fiâtı beynimizde ma‘lûm mismâr semeninden bin iki yüz guruş alacak hakkımız olmağla meblağ-ı mezkûru mezbûr Hüseyin Efendi’den bi’l-ma‘iyye hâlâ taleb ederiz deyü tasaddî eylediğimiz da‘vâmızdan bâ-tavassut-ı muslihîn merkūm ile bi’t-tav‘ ve’r-rızâ sekiz yüz guruş üzerine sulh olduğumuzda ol dahi sulh-ı mezkûru ba‘de’l-kabûl bedel-i sulh-ı mezkûrdan mâ‘adâ müdde‘âmıza ve bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr sekiz yüz guruşu müdde‘iyyân-ı mesfûrân Parsih ve Kirhor zimmîlere edâya merkūm es-Seyyid Hüseyin Efendi’ye tenbîh olunduğu huzûr-ı [âlîlerine i‘lâm olundu] Fî 21 Zilka‘de sene [12]55