Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 243 Hüküm no: 334 Orijinal metin no: [44b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Rukiye Hatun’un geçinemedikleri kocası Berber kalfası Hasan’dan muhalaa yoluyla boşandığı Muhâla‘a Ma‘rûz İstanbul’da Ebulfeth Sultan Mehmed Han -aleyhi’r-rahmetü ve’l-gufrân- hazretleri câmi‘-i şerîfi kurbünde Hocaüveys mahallesinde sâkine sâhibe-i arzuhâl mu‘arrefetü’z-zât Şerife Rukiye bt. el-Hâc Süleyman nâm hatun İstanbul Bâb Mahkemesi’nde meclis-i şer‘-i münîrde zevc-i muhâlı‘ı derûn-ı arzuhâlde mezkûrü’l-ism Berber kalfası Hasan b. Ahmed nâm kimesne muvâcehesinde merkūm Hasan zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh olan altı yüz elli bir guruş mehr-i müeccel ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim merkūm Hasan ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru kabûl hukūk-ı zevciyyete ve ibtidâ-i zevciyyetden işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîk[leri] huzûr-ı [âlîlerine i‘lâm olundu] Fî 5 Zilhicce sene 1255