Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 271 Hüküm no: 383 Orijinal metin no: [51a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Debbağ Ahmed’in alacak iddiasıyla Eskici Agop’a açtığı davayı ispat edemediğinden davanın reddedildiği Mu‘ârazadan men‘ Ma‘rûz Debbâğ esnâfından Ahmed b. İbrahim nâm kimesne İstanbul Bâb Mahkemesi’nde meclis-i şer‘-i münîrde Eskici Agop v. Artin nâm zimmî muvâcehesinde mersûm Agop zimmî ile li-ebeveyn er karındaşı gāib ani’l-meclis Ağya ve gāib ani’l-beled Yosif zimmîler zimmetlerinde târîh-i i‘lâmdan dört ay mukaddem her biri âharın zimmetine lâzım gelen meblağa kefîl ve dâmin olarak mâlımdan ve yedimden bi’l-ma‘iyye iştirâken iştirâ ve kabz eyledikleri iki aded Mısır? kâvsâlesi semenlerinden dört yüz guruşdan bâkī yüz kırk guruş alacak hakkım olmağla meblağ-ı bâkī-i mezkûru mersûm Agop zimmîden asâlet ve kefâletine binâen taleb ederim deyü ba‘de’d-da‘vâ ve’l-inkâr müdde‘î-i mezbûr Ahmed ber-vech-i muharrer müdde‘âsına ikāmet-i beyyine edemeyip bi’t-taleb mersûm Agop zimmî bi’l-muvâcehe ber-nehc-i şer‘î tahlîf olunmağın mûcebince müdde‘î-i merkūm Ahmed da‘vâ-yı mezkûresiyle mersûm Agop zimmîye bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 28 Zilhicce sene [1]255