Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 272 Hüküm no: 385 Orijinal metin no: [51a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bekçi Avadis’in Hamamcı Kazer’e olan borcunu ödemesi 5000 guruş hüküm Ma‘rûz Hamamcı tâifesinden arzuhâl eden Kazer v. Galor(?) nâm zimmî İstanbul Bâb Mahkemesi’nde meclis-i şer‘-i hatîrde İstanbul’da Yıldızhanı oda bekçisi derûn-ı arzuhâlde mastûrü’l-ism Avadis v. İstepan nâm zimmî muvâcehesinde mersûm Avadis zimmî zimmetinde yedimde olup işbu sene-i mübâreke Muharremi’l-harâmı’nın dördüncü günü târîhiyle müverrah bir kıt‘a temessük mantûkunca mâlımdan ve yedimden iktirâz ve kabz ve umûruna sarfla istihlâk eylediği beş bin guruş alacak hakkım olmağla meblağ-ı mezkûru mersûm Avadis zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr beş bin guruşun müdde‘î-i mesfûr Kazer zimmîye edâ ve teslîmiyle mersûm Avadis zimmî ilzâm olunduğu huzûr-ı [âlîlerine i‘lâm olundu] Fî 4 Muharrem sene [1]255 [1256]