Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 284 Hüküm no: 404 Orijinal metin no: [53b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Mehmed’e borcu olan Ali’nin borcunu ödemesi 190 guruş hüküm Ma‘rûz Kasab esnâfından Mehmed b. Osman nâm kimesne İstanbul Bâb Mahkemesi’nde meclis-i şer‘-i münîrde Ali b. Musa nâm kimesne muvâcehesinde mezbûr Ali zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat lahm-ı ganem semeninden ba‘de külli’l-hesâb gayr-ı ez-teslîmât sahhu’l-bâkī alacak hakkım olan yüz guruş ve gāibetü ani’l-meclis Şemsi nâm hatun zimmetinde kezâlik lahm-ı ganem semeninden alacak hakkım olan doksan guruşa dahi mezbûr Ali tarafeynden bi’l-emr ve’l-kabûl kefâlet-i mutlaka-i sahîha-i şer‘iyye ile kefîl ve dâmin olmağla ol vechile meblağ-ı mekfûlün-bih-i mezkûr doksan guruş ki cem‘an yüz doksan guruşu mezbûr Ali’den asâlet ve kefâletine binâen hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr yüz doksan guruşun müdde‘î-i mezbûr[a] asâlet ve kefâletine binâen edâ ve teslîme mezbûr Ali ilzâm olunduğu mübâşirleri Bâb-ı Seraskerî kavaslarından İsmail Kavas kulları yediyle huzûr-ı [âlîlerine i‘lâm olundu] Fî 29 Zilhicce sene [1]255