Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 284 Hüküm no: 405 Orijinal metin no: [53b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pamukçu Agop’a borcu olan Seyyid Abdülkerim’in borcunu ödemesi 340 guruş hüküm Ma‘rûz Penbeci Agop v. Kasper nâm zimmî İstanbul Bâb Mahkemesi’nde meclis-i şer‘-i münîrde sarrâc esnâfından es-Seyyid Abdülkerim b. Ahmed nâm kimesne muvâcehesinde merkūm es-Seyyid Abdülkerim zimmetinde târîh-i i‘lâmdan yirmi gün mukaddem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat penbe ve şem‘-i asel semeninden ba‘de külli’l-hesâb cem‘an üç yüz kırk guruş alacak hakkım olmağla meblağ-ı mezkûru mezbûr es-Seyyid Abdülkerim’den hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr üç yüz kırk guruşun müdde‘î-i mersûm Agop zimmîye edâ ve teslîmiyle mezbûr es-Seyyid Abdülkerim ilzâm olunduğu mübâşirleri Bâb-ı Seraskerî kavaslarından İsmail Kavas kulları yediyle huzûr-ı [âlîlerine i‘lâm olundu] Fî 25 Zilhicce sene [1]255