Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 290 Hüküm no: 416 Orijinal metin no: [55a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. İsa’nın İbrahim b. Hüseyin’e olan borcunu ödemesi 240 [140] guruş hüküm Ma‘rûz Teba‘adan İbrahim b. Hüseyin nâm kimesne İstanbul Bâb Mahkemesi’nde meclis-i şer‘de Ahmed b. İsa nâm kimesne muvâcehesinde merkūm Ahmed zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bâ-temessük yüz doksan guruş alacak hakkımın elli guruşunu mukaddemâ mezbûrun yedinden kabz ve istîfâ etmemle bâkīsi olan yüz kırk guruşu mezbûr Ahmed’den hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf edip lâkin müdde‘î-i mezbûr>> İbrahim meblağ-ı bâkī-i mezkûr yüz kırk guruşu benden ahz u kabz[a] gāib ani’l-meclis es-Seyyid Halil nâm kimesneyi tarafından vekîl eylediğinde gāib-i mersûm dahi kabûlü’l-vekâle meblağ-ı bâkī-i mezkûru gāib-i merkūm benden mutâlebe ve ben dahi gāib-i merkūma deynim olduğunu nâtık bir kıt‘a tahvîl i‘tâ etmemle ol vechile ben meblağ-ı bâkī-i mezkûr yüz kırk guruşu gāib-i mersûma edâ edeyim deyü takrîri def‘e sâlih cevâb-ı şer‘î olmamağla alâ-mûcibi i‘tirâfihî meblağ-ı bâkī-i mezkûr yüz kırk guruşu müdde‘î-i mezbûr İbrahim’e edâya mezbûr Ahmed’e tenbîh olunduğu tescîl ve bi’l-iltimâs huzûr-ı [âlîlerine i‘lâm olundu] Fî 17 Muharrem sene 1256