Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 290 Hüküm no: 415 Orijinal metin no: [55a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Midillici Hasan’ın çeşitli eşyalarını geri vermesi talebiyle hanımı Şerife Fâtıma’ya açtığı davayı ispat edemediği Eşyâ men‘i Ma‘rûz Midillici Hasan b. Sadullah nâm kimesne İstanbul Bâb Mahkemesi’nde meclis-i şer‘de hâlâ zevcesi mu‘arrefetü’z-zât Şerife Fâtıma bt. el-Hâc Ali nâm hatun muvâcehesinde İstanbul’da Altımermer kurbünde Seyyidömer mahallesinde vâki‘ <> zevcem mezbûr[e] ile ma‘an sâkinler olduğumuz menzilde mevcûd mecmû‘u dört yüz elli guruş kıymetli bir vakıyye pirinç ve üç hilâlî gömlek ve bir çevre ile iki yüz guruşluk ecnâs altınlarımı zevcem mezbûre fuzûlî ahz u kabz etmekle eşyâ-i muharrere-i mezkûre mevcûd ise a‘yânını değil ise <> bi’s-sübût eşyâ-i mezkûrenin kıymetleriyle zikr olunan altınların emsâlini zevcem mezbûre Şerife Fâtıma Hatun’dan damânen taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mezbûre Şerife Fâtıma Hatun[a] bi’l-muvâcehe vech-i şer‘î üzere yemîn verilmeğin mûcebince müdde‘î-i mezbûr Hasan da‘vâ-yı mezkûresiyle merkūme Şerife Fâtıma Hatun’a bilâ-beyyine mu‘ârazadan men‘ olunduğu mübâşirleri Bâb-ı Seraskerî kavaslarından Mehmed Kavas kulları yediyle huzûr-ı [âlîlerine i‘lâm olundu] Fî 21 Muharrem sene [12]55 [1256]