Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 291 Hüküm no: 418 Orijinal metin no: [55a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Sıddıka Hanım’ın geçinemediği kocası Koltukçu Mehmed Emin Ağa’dan muhalaa yoluyla boşandığı Muhâla‘a Ma‘rûz İstanbul’da Hırka-i Şerîf kurbünde Muhtesib İskender mahallesinde sâkine mu‘arrefetü’z-zât Âişe Sıddıka bt. Ali nâm hatun İstanbul Bâb Mahkemesi’nde meclis-i şer‘de zevc-i muhâlı‘ı derûn-ı arzuhâlde mezkûrü’l-ism Koltukçu Mehmed Emin Ağa b. Mustafa nâm kimesne muvâcehesinde merkūm Mehmed Emin Ağa zevc-i dâhilim olup beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh olan mehr-i müeccel hakkım olan yüz yirmi beş guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl ancak hukūk-ı zevciyyete müte‘allika da‘vâdan tarefeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî 20 Muharrem sene [12]56