Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 293 Hüküm no: 420 Orijinal metin no: [55b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun’a borcu olan Mehmed Salih Ağa’nın borcunu ödemesi 450 guruş hüküm Ma‘rûz İstanbul’da Kadıçeşmesi kurbünde Müftüali mahallesinde sâkine mu‘arrefetü’z-zât Havva bt. Ahmed nâm hatun İstanbul Bâb Mahkemesi’nde meclis-i şer‘-i münîrde Keresteci Mehmed Salih Ağa b. Mehmed nâm kimesne muvâcehesinde merkūm Mehmed Salih Ağa <> zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği dört yüz elli guruş alacak hakkım olmağla meblağ-ı mezkûru mezbûr Mehmed Salih Ağa’dan hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr lâkin ben deynim olan meblağ-ı mezkûr dört yüz elli guruşu târîh-i i‘lâmdan bir ay mukaddem mahalle-i mezbûrede vâki‘ müdde‘iyye-i mezbûreye menzilinde tamâmen edâ ve teslîm etmişidim deyü müdde‘iyye-i merkūmenin inkârına mukārin eylediği def‘ine ikāmet-i [beyyine] edemeyip bi’t-taleb mezbûr[e] Havva Hatun bi’l-muvâcehe ber-nehc-i şer‘î tahlîf olunmağın mûcebince dâfi‘-i merkūm def‘-i mezkûruyla mezbûre [Havva] Hatun’a bilâ-beyyine mu‘ârazadan ba‘de’l-men‘ merkūm Mehmed Salih Ağa’nın sâlifü’l-beyân ikrârıyla lâzım gelen meblağ-ı mezkûr dört yüz elli guruşun müdde‘iyye-i mezbûre Havva Hatun’a edâsıyla merkūm Mehmed [Salih] Ağa ilzâm olunduğu huzûr-ı [âlîlerine i‘lâm olundu] Fî 24 Muharrem sene [12]56