Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 306 Hüküm no: 444 Orijinal metin no: [59a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mühtedi Mehmed Ali’nin Tensuc Nasraniyeye açtığı alacak davasının hukuksuz bulunarak reddedildiği Mu‘ârazadan men‘ Ma‘rûz Sâhib-i arzuhâl <> Mühtedî Mehmed Ali b. Abdullah nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mastûratü’l-ism mu‘arrefetü’[z-zât]ş-şahs Tensuh bt. Vartan nâm Nasrâniye muvâcehesinde mahrûse-i Galata hâricinde Beyoğlu nezdinde Tarlabaşı nâm mahâlde mersûme Tensuh Nasrâniye ile ma‘an bundan akdem bir bâb menzil istîcâr birle menzil-i mezkûru yalı ittihâz ederek fâide-i hâsılanın rub‘u benim olmak üzere mersûme Tensuh Nasrâniye ile mukāvele edip menzil-i mezkûrda bir buçuk ay yalıcılık etmemizle müddet-i mezkûrede hâsıl olan benim ber-vech-i mukāvele rub‘ hisseme isâbet eden bin beş yüz elli guruşu mersûme Tensuh Nasrâniyeden taleb ederim deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘î-i merkūm Mehmed’e tefhîm ve da‘vâ-yı mezkûresiyle mesfûre Tensuc Nasrâniyeye bî-vech-i şer‘î mu‘ârazadan men‘ olunduğu huzûr-ı [âlîlerine i‘lâm olundu] [Fî] gurreti S sene [1]256