Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 305 Hüküm no: 443 Orijinal metin no: [59a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lanbo zimmînin Berber Avanis’e olan borcunu ödemesi 80 guruş hüküm Ma‘rûz Berber esnâfından Avanis v. Selamet nâm zimmî İstanbul Bâb Mahkemesi’nde meclis-i şer‘-i hatîrde Lanbo v. Sava nâm zimmî muvâcehesinde mersûm Lanbo zimmî zimmetinde işbu târîh-i i‘lâmdan beş ay mukaddem mâlımdan ve yedimden iktirâz ve kabz ve umûruna sarfla istihlâk eylediği üç yüz guruş alacak hakkımın iki yüz guruşunu mukaddemâ kabz ve yirmi guruş mutâlebesine müte‘allika da‘vâdan mersûm Lanbo zimmînin zimmetini kabûlü hâvî ibrâ ve iskāt etmemle bâkīsi olan seksen guruşu mersûm Lanbo zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr seksen guruşun müdde‘î-i mersûm Avanis zimmîye edâ ve teslîmiyle mersûm Lanbo zimmî ilzâm olunduğu mübâşirleri Bâb-ı Seraskerî kavaslarından Erzincanî Hasan Kavas kulları yediyle huzûr-ı [âlîlerine i‘lâm olundu] [Fî] 2 S sene [1]256