Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 307 Hüküm no: 446 Orijinal metin no: [59b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Racu zimmînin İbrahim Ağa’ya açtığı alacak davasında sulh olduğu 150 guruşa sulh Ma‘rûz Sâhib-i arzuhâl Bahçıvan Racu v. Melko nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde ismi mezkûr İbrahim Ağa b. Halil nâm kimesne muvâcehesinde bundan akdem mezbûr İbrahim Ağa zimmetinde bahçıvanlık ücretinden ba‘de külli’l-hesâb gayr-ı ez-teslîmât sahhu’l-bâkī dokuz yüz yetmiş beş guruş alacak hakkım olmağla meblağ-ı bâkī-i mezkûru merkūm İbrahim Ağa’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūm İbrahim Ağa ile bi’t-tav‘ ve’r-rızâ yüz elli guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ba‘de’l-ikrâr ibrâdan müstesnâ bedel-i sulh-ı mezkûr yüz elli guruşun müdde‘î-i mesfûr Racu zimmîye edâsıyla merkūm İbrahim Ağa ilzâm olunduğu huzûr-ı [âlîlerine i‘lâm olundu] Fî 28 Muharrem sene [12]56