Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 312 Hüküm no: 455 Orijinal metin no: [60b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasna Hatun’un geçinemediği kocası Simkeş Abdulkadir Ağa ile muhalaa yoluyla boşandığı Muhâla‘a 200 guruş mehir Ma‘rûz İstanbul’da Hırka-i şerîfe kurbünde Akseki mahallesinde sâkine mu‘arrefetü’z-zât Hasna bt. Mustafa nâm hatun İstanbul Bâb Mahkemesi’nde meclis-i şer‘-i münîrde zevc-i muhâlı‘ı Simkeş Abdülkadir Ağa b. Ahmed nâm kimesne muvâcehesinde mezbûr Abdülkadir Ağa zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh olan mehr-i müeccel hakkım iki yüz guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl ancak hukūk-ı zevciyyete müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Topkapılı Emin Kavas kulları yediyle huzûr-ı [âlîlerine i‘lâm olundu] Fî 4 M sene [12]56