Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 311 Hüküm no: 454 Orijinal metin no: [60b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yemenici Tanaş’ın Tacir Mehmed Emin Efendi’ye olan borcunu ödemesi 404 guruş hüküm Ma‘rûz Tâcir Mehmed Emin Efendi b. Mustafa nâm kimesne İstanbul Bâb Mahkemesi’nde meclis-i şer‘-i münîrde yemenîci tâifesinden Tanaş v. Hrısto nâm zimmî muvâcehesinde mesfûr Tanaş zimmî zimmetinde bundan akdem mâlımdan ve yedimden iştirâ ve kabz eylediği aded ve fiâtı beynimizde ma‘lûm kâvsâle semeninden dört yüz dört guruş alacak hakkım olmağla meblağ-ı mezkûru mersûm Tanaş zimmîden hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince meblağ-ı mezkûr dört yüz dört guruşun müdde‘î-i merkūm Mehmed Emin Efendi’ye edâsıyla mersûm Tanaş zimmî ilzâm olunduğu mübâşirleri Bâb-ı Seraskerî kavaslarından Mehmed Kavas kulları yediyle huzûr-ı [âlîlerine i‘lâm olundu] Fî 2 M sene [12]56