Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 84 Hüküm no: 82 Orijinal metin no: [17b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Efendi’nin Adalar naipliğine tayin olunduğu Hüve Fahrü’l-kuzâti’l-kirâm el-Hâc Mustafa Efendi -dâme muvaffakan— Ba‘de’t-tahiyyeti’l-vâfiye inhâ olunur ki İşbu sene semânîn ve mi’ete ve elf Rebî‘ülâhiri gurresinden zabt etmek üzere mutasarrıf olduğumuz Adalar nâhiyesinin umûr-ı şer‘iyesi kısmet-i askeriyesiyle tarafımızdan cenâbınıza tefvîz ve sipâriş olmuşdur gerekdir ki gurre-i merkūmeden nâhiye-i mezbûreyi zabt ve beyne’l-ahâli icrâ-yı ahkâm-ı şer‘-i âlî edüp cadde-i şerî‘at-i garrâdan ser-i mû inhirâfa cevâz ve ruhsat göstermeyesiz ve’s-selâm. El-fakīr es-Seyyid Mehmed el-kādı bi- medîneti Üsküdar