Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 338 Hüküm no: 499 Orijinal metin no: [67b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağcı Eftim’in Tüccar Mehmed Şemseddin Efendi’ye olan borcunu ödemesi 1540 guruş hüküm Ma‘rûz Bâ‘isü’l-i‘lâm tüccârdan es-Seyyid el-Hâc Mehmed Şemseddin Efendi b. Feyzullah İstanbul Bâb Mahkemesi’nde meclis-i şer‘-i münîrde Bağcı Eftim v. Estilyanos nâm zimmî muvâcehesinde mersûm Eftim zimmî zimmetinde bundan akdem mâlımdan iştirâ ve kabz eylediği keten tohumu semeninden ba‘de külli’l-hesâb sahhu’l-bâkī bin beş yüz kırk guruş alacak hakkım olmağla meblağ-ı bâkī-i mezkûru zimmî-i mersûmdan hâlâ taleb ederim deyü da‘vâ ettikde ol dahi <> ber-vech-i muharrer ikrâr ü i‘tirâf etmeğin mûcebince meblağ-ı bâkī-i mezkûr bin beş yüz kırk guruşun müdde‘î-i merkūm es-Seyyid el-Hâc Mehmed Şemseddin Efendi’ye edâ ve teslîmiyle mersûm Eftim zimmî ilzâm olunduğu mübâşirleri Bâb-ı Seraskerî kavaslarından Gümüşhaneli Ali Kavas yediyle huzûr-ı [âlîlerine i‘lâm olundu] Fî 20 S sene [12]56