Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 337 Hüküm no: 498 Orijinal metin no: [67b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Hasna Hatun’un kardeşi Süleyman’a kalan borcunu ödemesi 650 guruş hüküm Ma‘rûz es-Seyyid Süleyman Ağa b. Mustafa nâm kimesne İstanbul Bâb Mahkemesi’nde meclis-i şer‘de li-ebeveyn kız karındaşı zâtı mu‘arrefe Şerife Hasna nâm hatun muvâcehesinde benim kız karındaşım mezbûre Şerife Hasna Hatun zimmetinde hınta semeninden iki bin dokuz yüz on iki guruş alacak hakkım olmağla meblağ-ı mezkûrun <> iki bin iki yüz altmış iki guruş mutâlebesine müte‘allika da‘vâdan kız karındaşım mezbûre Şerife Hasna Hatun’un zimmetini kabûlü hâvî ibrâ ve iskāt etmemle bâkīsi olan altı yüz elli guruşu kız karındaşım merkūme Şerife Hasna Hatun’dan taleb ederim deyü da‘vâ ettikde ol dahi cevâbında kaziyye minvâl-i muharrer üzere olduğunu tâyi‘aten ve kat‘iyyen ikrâr ü i‘tirâf ve meblağ-ı bâkī-i mezkûr altı yüz elli guruşu karındaşı müdde‘î-i merkūm es-Seyyid Süleyman Ağa’ya [edâya] müte‘ahhide olduğu mübâşirleri Bâb-ı Seraskerî kavaslarından Ahıskavî Hasan Kavas kulları yediyle huzûr-ı [âlîlerine i‘lâm olundu] Fî 17 S sene [12]56