Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 339 Hüküm no: 501 Orijinal metin no: [68a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan’ın hazır elbiseci Karabet’e olan borcunu ödemesi 280 guruş hüküm Ma‘rûz Hâzır esvâbcı Karabet v. Haçador nâm zimmî İstanbul Bâb Mahkemesi’nde meclis-i şer‘-i hatîrde es-Seyyid Hasan b. Ahmed nâm kimesne muvâcehesinde benim merkūm es-Seyyid Hasan zimmetinde semen-i mebî‘den iki yüz seksen guruş alacak hakkım olmağla meblağ-ı mezkûr iki yüz seksen guruşu mezbûr es-Seyyid Hasan’dan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr iki yüz seksen guruşun müdde‘î-i mersûm Karabet zimmîye edâsıyla mezbûr es-Seyyid Hasan ilzâm olunduğu mübâşirleri <> Dîvân-ı âlî çavuşlarından Hasekili Mehmed Çavuş kulları yediyle huzûr-ı [âlîlerine i‘lâm olundu] Fî 13 S sene 1256