Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 339 Hüküm no: 502 Orijinal metin no: [68a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun ile kocası Abdüllatif’in boşandıkları Tatlîk Ma‘rûz İstanbul’da Edirnekapısı kurbünde Haticesultan mahallesinde sâkine sâhibe-i arzuhâl mu‘arrefetü’z-zât Emine bt. Mehmed İzzet nâm hatun İstanbul Bâb Mahkemesi’nde meclis-i şer‘-i münîrde zevc-i mutallıkı derûn-ı arzuhâlde mezkûrü’l-ism Abdüllatif Ağa b. Mehmed nâm kimesne muvâcehesinde mezbûr Abdüllatif Ağa 250 guruş müeccel tesmiyesiyle zevc-i dâhilim olup işbu târîh-i kitâb günü beni tatlîk etmekle zimmetinde <> mehr-i müeccel-i mezkûrum olan 250 guruşu bana edâya ve iddetim inkızâsına değin beni infâka zevcim mezbûra tenbîh olunmak matlûbumdur deyü da‘vâ ettikde ol dahi cevâbında müdde‘iyye-i mezbûre ol mikdâr guruş mehr-i müeccel tesmiyesiyle zevce-i menkûha-i medhûlün-bihâsı olduğunu ve ber-vech-i muharrer tatlîkini ikrâr ve i‘tirâf etmeğin mûcebince mehr-i müeccel-i mezkûr 250 guruşu hâlen ve nafaka-i iddet-i ma‘lûme ve me’ûnet-i süknâsı mukābelesiyle bi’t-terâzî beynlerinde ta‘yîn olunan 250 guruşu dahi hîn-i istihkākda zevcesi müdde‘iyye-i mezbûre Emine Hatun’a edâya mezbûr Abdüllatif Ağa’ya tenbîh olunduğu huzûr-ı [âlîlerine i‘lâm olundu] Fî 16 S sene [12]56