Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 341 Hüküm no: 505 Orijinal metin no: [68b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çorapçı Bekir’in Tüccar Ahmed’e olan borcunu ödemesi 294 guruş hüküm Ma‘rûz Tüccârdan el-Hâc Ahmed Ağa b. Mehmed nâm kimesne İstanbul Bâb Mahkemesi’nde meclis-i şer‘-i münîrde çorapçı esnâfından el-Hâc Ebubekir b. Ömer nâm kimesne muvâcehesinde merkūm el-Hâc Ebubekir zimmetinde bundan akdem mâlımdan ve yedimden iştirâ ve kabz eylediği deste ve fiâtı beynimizde ma‘lûm çorap semeninden ba‘de külli’l-hesâb gayr-ı ez-teslîmât sahhu’l-bâkī iki yüz doksan dört guruş alacak hakkım olmağla meblağ-ı bâkī-i mezkûr[u] merkūm el-Hâc Ebubekir’den hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr iki yüz doksan dört guruşun müdde‘î-i mezbûr el-Hâc Ahmed Ağa’ya edâ ve teslîmiyle mezbûr Ebubekir ilzâm olunduğu mübâşirleri Bâb-ı Seraskerî kavaslarından Tophâneli Hüseyin Kavas kulları yediyle huzûr-ı [âlîlerine i‘lâm olundu] Fî 13 S sene [12]56