Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 341 Hüküm no: 506 Orijinal metin no: [68b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Ali’nin Kuruyemişçi Osman Ağa’ya olan borcunu ödemesi 1256,5 guruş hüküm Ma‘rûz Kuruyemişçi Osman Ağa b. Yusuf nâm kimesne İstanbul Bâb Mahkemesi’nde meclis-i şer‘-i münîrde Manav es-Seyyid Ali b. es-Seyyid Hasan nâm kimesne muvâcehesinde mezbûr es-Seyyid Ali zimmetinde bundan akdem mâlımdan ve yedimden iştirâ ve kabz eylediği meyve-i huşk semeninden ba‘de külli’l-hesâb gayr-ı ez-teslîmât sahhu’l-bâkī bâ-temessük bin iki yüz elli altı buçuk guruşu merkūm es-Seyyid Ali’den hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr bin iki yüz elli altı buçuk guruşun müdde‘î-i merkūm Osman Ağa’ya edâ ve teslîmiyle merkūm es-Seyyid Ali ilzâm olunduğu mübâşirleri Bâb-ı Seraskerî kavaslarından Erzincanlı Mehmed Kavas kulları yediyle huzûr-ı [âlîlerine i‘lâm olundu] Fî 23 S sene [12]56