Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 343 Hüküm no: 509 Orijinal metin no: [69a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın yanında rehin bulunan eşyaları Şerife Emine Hatun’a iade etmesi Ma‘rûz Mahrûse-i Galata’ya muzâfe kasaba-i Kasımpaşa’da Karaman mahallesinde sâkine sâhibe-i arzuhâl mu‘arrefetü’z-zât Şerife Emine bt. el-Hâc Ali nâm hatun İstanbul Bâb Mahkemesi’nde meclis-i şer‘de derûn-ı arzuhâlde mezkûretü’l-ism kezâlik mu‘arrefetü’z-zât Hadice bt. <> Abdullah nâm hatun muvâcehesinde mezbûre Hadice Hatun’un mâlından ve yedinden iktirâz ve kabz ve umûruma sarfla istihlâk eylediğim yüz guruş deynim mukābelesinde mâlımdan biri kılâbdanlı ve biri pazen ve biri şal cem‘an üç aded anterimi mezbûre Hadice Hatun yedine rehin vaz‘ ü teslîm eylediğimden sonra deynim olan meblağ-ı mezkûr yüz guruşu mukaddemâ mezbûre Hadice Hatun’a edâ ve îfâ edip lâkin zikr olunan anterileri rehniyetden fek ve tahlîs ve bana teslîm etmeyip hâlâ yedinde mevcûd olmağla mârru’z-zikr anterileri bi-a‘yânihâ bana teslîme merkūme Hadice Hatun’a tenbîh olunmak matlûbumdur deyü ba‘de’d-da‘vâ ve’l-ikrâr mûcebince zikr olunan anterileri a‘yânlarıyla mezbûre Şerife Emine Hatun’a teslîme merkūme Hadice Hatun’a tenbîh olunduğu huzûr-ı [âlîlerine i‘lâm olundu] Fî 18 S sene [12]56