Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 344 Hüküm no: 511 Orijinal metin no: [69a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahya’nın Kasap Süleyman ve ortağı Mehmed’e olan borcunu ödemesi 511,5 guruş hüküm Ma‘rûz Kasab esnâfından derûn-ı arzuhâlde mezkûrü’l-ism Süleyman b. Ali ve şerîki el-Hâc Mehmed Emin b. İbrahim nâm kimesneler İstanbul’da Bâb Mahkemesi’nde meclis-i şer‘-i münîrde sâhib-i arzuhâl Yahya b. Mehmed nâm kimesne muvâcehesinde merkūm Yahya zimmetinde bundan akdem mâl-ı müşterekimizden iştirâ ve kabz eylediği vezn ve fiâtı beynimizde ma‘lûm lahm-ı ganemin hesâbını târîh-i i‘lâmdan on gün mukaddem rü’yet eylediğimizde bizim mezbûr Yahya zimmetinde beş yüz on bir buçuk guruş alacak hakkımız zuhûr ve meblağ-ı mezkûr beş yüz on bir buçuk guruş zimmetinde bize deyni olduğunu tâyi‘an ikrâr ü i‘tirâf etmekle meblağ-ı mezkûru merkūm Yahya’dan hâlâ taleb ederiz deyü ba‘de’d-da‘vâ ve’l-inkâr müdde‘iyyân-ı şerîkân-ı merkūmân ber-vech-i muharrer müdde‘âlarını her biri mahallerinde lede’t-tezkiye adl ve makbûlü’ş-şehâde idikleri ihbâr olunan Abdullahağa mahallesi imâmı es-Seyyid Mustafa Efendi b. Hasan ve Nakkaş Ahmed Şakir Ağa b. İbrahim ve Kahveci Ahmed b. Mehmed nâm kimesneler şehâdetleriyle bi’l-muvâcehe vech-i şer‘î üzere isbât etmeğin mûcebince meblağ-ı mezkûr beş yüz on bir buçuk guruşu müdde‘iyyân-ı şerîkân-ı merkūmâna edâ ve teslîme merkūm Yahya’ya tenbîh olunduğu huzûr-ı [âlîlerine i‘lâm olundu] Fî 29 S sene 1256