Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 357 Hüküm no: 535 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Efendi’nin Şerife Zübeyde Hanım’a açtığı alacak davasında sulh oldukları 175 guruş sulh, ibrâ Ma‘rûz Bâ‘isü’l-i‘lâm İsmail b. Mehmed nâm kimesne İstanbul Bâb Mahkemesi’nde meclis-i şer‘de zâtı mu‘arrefe Şerife Zübeyde bt. es-Seyyid el-Hâc Mustafa nâm hatun muvâcehesinde zevci Mehmed b. Hasan hâzır olduğu hâlde merkūme Şerife Zübeyde Hatun zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bin iki yüz guruş alacak hakkım olmağla meblağ-ı mezkûru merkūme Şerife Zübeyde Hatun’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūme ile bi’t-tav‘ ve’r-rızâ yüz yetmiş beş guruş üzerine ba‘de akdi’l-musâlahati ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan ben merkūme Şerife Zübeyde Hatun ile ma‘an zevci hâzır-ı merkūm Mehmed’in zimmetini onlar dahi kezâlik husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan benim zimmetimi her birimiz ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasâdıkları mübâşirleri Bâb-ı Seraskerî kavaslarından Edirnekapılı Mehmed Kavas kulları yediyle huzûr-ı [âlîlerine i‘lâm olundu] Fî-gurre-i Rebî‘ülevvel sene 12[56]