|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 129 Hüküm no: 118 Orijinal metin no: [24a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Karahisar-ı şarki kazası Kolan nâhiyesindeki Zarı Çiftliği Vakfı zâviyedarlığı ile Dede köyü mâlikânesi hissedarları olan es-Seyyid Ebulkasım ve Halil’in vefatlarıyla hisselerinin oğullarına verilmesi
Sâdır olan fermân-ı âlîlerine imtisâlen işbu arzuhâl ve derkenâra ba‘de’n-nazar Kara[hisar-ı] şarkî kazâsına muzâfe Kolan nâhiyesinde vâki‘ Zarı Çiftliği Vakfı’nın vazîfe-i mu‘ayyene ile zâviyedârlık nısf üzere ve yine nâhiye-i mezkûrda Dede karyesi mâlikâneden çiftlik hissedârlığına es-Seyyid Ebulkasım ve Halil birbirlerini müte‘âkıben fevt olmalarıyla zâviye-i mezkûre ve mâlikâne-i mezkûre hissesi müteveffiyân-ı merkūmânın birer nefer sulbî oğulları babaları mahlûllerinden kendülere tevcîh buyurulmak bâbında sahib-i arzuhâl Halil ve Ali dâ‘îleri işbu arzuhâl ile istid‘â-yı inâyet ederler, fi’l-hakīka nısf zâviyedârlık-ı mezkûre ve mâlikâne-i mezbûre hissesi ber-vech-i evlâdiyet merkūmûn es-Seyyid Ebulkasım ve Hüseyin ve Halil nâm karındaşlar başka beratıyla olduğu derkenârdan müstebân ve merkūmân es-Seyyid Ebulkasım ve Halil vefâtlarıyla sahib-i arzuhâl merkūmân Ali ve Halil müteveffiyân-ı mezkûrânın sulbî oğulları oldukları kazâ-i mezbûr ahâlîsinden Der-aliyye’de müsâfireten sâkinler Mehmed b. Ali ve Hüseyin b. İsmail mevsûku’l-kelim kimesnelerin alâ-tarîkı’ş-şehâde haber vermeleriyle zâhir ve mütehakkık olmağla bu sûretde müteveffân-ı merkūmânın mahlûl olan hisseleri sulbî oğulları sahib-i arzuhâl mezbûrân Halil b. Ebulkasım ve Ali b. Halil dâ‘îlerine ber-vech-i evlâdiyet tevcîh ve yedlerine berat-ı şerîf-i âlîşân sadaka ve ihsân olunmak iktizâ[sı] huzûr.
Fî 25 C sene [12]49
|