Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 363 Hüküm no: 546 Orijinal metin no: [73b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Hatice Hanım’ın geçinemediği kocası Astarcı Ömer Ağa ile muhalaa yoluyla boşandığı Muhâla‘a Ma‘rûz İstanbul’da Mollazeyrek mahallesinde sâkine mu‘arrefetü’z-zât Şerife Hadice bt. es-Seyyid İbrahim nâm hatun İstanbul Bâb Mahkemesi’nde meclis-i şer‘-i münîrde zevc-i muhâlı‘ı astarcı esnâfından Ömer Ağa b. Mehmed Emin nâm kimesne muvâcehesinde mezbûr Ömer Ağa zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh olan beş yüz elli bir guruşun iki yüz elli guruşunu zevcim merkūm Ömer Ağa çend rûz zarfında bana edâya müte‘ahhid olmağla bâkīsi olan üç yüz bir guruş üzerlerine <> zevcim merkūm ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve meblağ-ı mezkûr iki yüz elli guruşdan mâ‘adâ ibtidâ-i zevciyyetden işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve takdîkleri mübâşirleri Bâb-ı Seraskerî kavaslarından Receb Kavas kulları yediyle huzûr-ı [âlîlerine i‘lâm olundu] Fî 23 S sene 1256