Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 364 Hüküm no: 548 Orijinal metin no: [73b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Soğancı İbrahim Ağa’nın soğan ve sarımsak bedeli olarak Ahmed Ağa ve Süleyman Ağa’ya yaptığı ödemenin kendisine iade edilmesi 289 guruş hüküm Ma‘rûz Soğancı İbrahim Ağa b. Mustafa İstanbul Bâb Mahkemesi’nde meclis-i şer‘-i münîrde mukaddemâ şerîki Ahmed Ağa b. Ahmed nâm kimesne hâzır olduğu hâlde Süleyman Ağa b. el-Hâc Halil ve el-Hâc Mustafa Ağa b. Ahmed muvâcehelerinde benim ve şerîkim hâzır-ı merkūm Ahmed Ağa’nın bundan akdem merkūmân Süleyman Ağa ve el-Hâc Mustafa Ağa’nın müşterek mâllarından ve yedlerinden bi’l-ma‘iyye iştirâ ve kabz eylediğimiz ma‘lûmü’l-vezn ve’l-fiyat soğan <> ve sarımsak semeninden zimmetimiz[de] cem‘an deynimiz olan üç bin iki yüz yirmi guruşu mukaddemâ merkūmâna ceste ceste edâ ve teslîm eylediğimizden sonra ancak ben merkūmâna sehven ziyâde mâlımdan iki yüz seksen dokuz guruş def‘ ü teslîm etmemle meblağ-ı mezkûr iki yüz seksen dokuz guruşun müdde‘î-i merkūm İbrahim Ağa’ya redd ü teslîme mezbûrân Süleyman Ağa ve el-Hâc Mustafa Ağa’ya tenbîh olunduğu bi’l-iltimâs huzûr-ı [âlîlerine i‘lâm olundu] Fî 29 S sene 1256