Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 365 Hüküm no: 549 Orijinal metin no: [73b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çubukçu Feyzullah Ağa’nın Çubukçu Mehmed Ağa’ya olan borcunu ödemesi 1200 guruş hüküm Ma‘rûz Çubukçu es-Seyyid el-Hâc Mehmed Ağa b. es-Seyyid Abdullah nâm kimesne İstanbul Bâb Mahkemesi’nde meclis-i şer‘-i münîrde yine esnâf-ı mezbûreden Feyzullah Ağa b. Kasım nâm kimesne muvâcehesinde mezbûrun zimmetinde bundan akdem mâlımdan ve yedimden iştirâ ve kabz eylediği aded ve fiâtı beynimizde ma‘lûm kehribâ çubuk takımı esmânından bâkī bin iki yüz guruş <> alacak hakkım olmağla meblağ-ı mezkûru merkūm Feyzullah’dan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr bin iki yüz guruşu müdde‘î-i merkūm es-Seyyid el-Hâc Mehmed’e edâ ve teslîmiyle merkūm Feyzullah Ağa ilzâm olunduğu mübâşirleri Bâb-ı Seraskerî kavaslarından Topkapılı Emin Kavas [kulları yediyle] huzûr-ı [âlîlerine i‘lâm olundu] Fî 10 Rebî‘ülevvel sene 1256