Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 368 Hüküm no: 554 Orijinal metin no: [74b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çadırcı Osman’ın Kasap İsmail’e olan borcunu ödemesi 153 guruş ilzâm Ma‘rûz Kasab esnâfından İsmail b. Mehmed nâm kimesne İstanbul Bâb Mahkemesi’nde meclis-i şer‘de Çadırcı Osman b. Mustafa nâm kimesne muvâcehesinde mezbûr Osman zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat lahm-ı ganem semeninden gayr-ı ez-teslîmât sahhu’l-bâkī yüz elli üç guruş alacak hakkım olmağla meblağ-ı mezkûru merkūm Osman’dan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr yüz elli üç guruşun müdde‘î-i merkūm İsmail Ağa’ya edâ ve teslîmiyle mezbûr Osman ilzâm olunduğu mübâşirleri Bâb-ı Seraskerî kavaslarından Galatalı Ahmed Kavas kulları yediyle huzûr-ı [âlîlerine i‘lâm olundu] Fî 8 Rebî‘ülevvel sene 1256