Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 368 Hüküm no: 556 Orijinal metin no: [74b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Midillici Selim’in İbrahim Ağa’ya kalan borcunu ödemesi 400 guruş hüküm Ma‘rûz İbrahim Ağa b. Ebubekir nâm kimesne İstanbul Bâb Mahkemesi’nde meclis-i şer‘-i münîrde midillici tâifesinden Selim b. Mahmud nâm kimesne muvâcehesinde merkūm Selim’in zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bâ-temessük beş yüz guruş alacak hakkım olmağla meblağ-ı mezkûrun yüz guruşunu târîh-i i‘lâm günü rızâmla hatt ü tenzîl ve mutâlebesine müte‘allika merkūm Selim’in zimmetini kabûlü hâvî ibrâ ve iskāt etmemle bâkīsi olan dört yüz guruşu merkūm Selim’den hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince meblağ-ı bâkī-i mezkûr dört yüz guruşun müdde‘î-i merkūm İbrahim Ağa’ya edâsıyla merkūm Selim ilzâm olunduğu mübâşirleri Bâb-ı Seraskerî kavaslarından İbrahim Kavas kulları yediyle huzûr-ı [âlîlerine i‘lâm olundu] Fî 3 Rebî‘ülevvel sene [12]56