Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 369 Hüküm no: 557 Orijinal metin no: [74b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogos zimmînin Sefine Reisi Osman’a olan borcunu ödemesi 162 guruş hüküm Ma‘rûz Rüesâ-yı sefâyinden Osman b. Hasan nâm kimesne İstanbul Bâb Mahkemesi’nde meclis-i şer‘de Bogos v. Ohannes nâm zimmî muvâcehesinde mersûm Bogos zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği üç yüz guruşdan bâkī yüz yirmi guruş ve navl-ı sefine ücretinden kırk iki guruş ki cem‘an yüz altmış iki guruş alacak hakkım olmağla meblağ-ı mecmû‘-ı mezkûru mersûm Ohannes zimmîden hâlâ taleb ederim deyü da‘vâ ettikde ol dahi cevâbında kaziyye minvâl-i muharrer üzere olduğunu ikrâr ü i‘tirâf etmeğin alâ-mûcibi ikrârihi meblağ-ı mecmû‘-ı merkūm yüz altmış iki guruşun müdde‘î-i mezbûr Osman’a edâ ve teslîmiyle mesfûr Bogos zimmî ilzâm olunduğu mübâşirleri Bâb-ı Seraskerî kavaslarından Erzincanlı Mehmed Kavas kulları yediyle huzûr-ı [âlîlerine i‘lâm olundu] Fî 3 Rebî‘ülevvel sene [12]56