Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 372 Hüküm no: 563 Orijinal metin no: [75a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sıvacı Mehmed’in ücret bedelinden dolayı Yuvan’a açtığı alacak davasında sulh oldukları 110 guruşa sulh Ma‘rûz Sıvacı esnâfından es-Seyyid Mehmed b. es-Seyyid Ali nâm kimesne İstanbul Bâb Mahkemesi’nde meclis-i şer‘de Yuvan v. Kiryako nâm zimmî muvâcehesinde mersûm Yuvan zimmî zimmetinde sıvacılık ücretimden müddet-i ma‘lûmede müctemi‘ üç yüz yetmiş guruş alacak hakkım olmağla meblağ-ı mezkûrun doksan altı guruşunu mukaddemâ mersûmun yedinden kabz ve istîfâ etmemle bâkīsi olan iki yüz yetmiş dört guruşu mersûm Yuvan zimmîden hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Yuvan zimmî ile bi’t-tav‘ ve’r-rızâ yüz on guruş üzerine ba‘de akdi’l-musâlahati ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr yüz on guruşun bi’t-taleb merkūm es-Seyyid Mehmed’e edâsıyla mersûm Yuvan zimmî ilzâm olunduğu mübâşirleri Bâb-ı Seraskerî kavaslarından Tophâneli Hüseyin Kavas kulları yediyle huzûr-ı [âlîlerine i‘lâm olundu] Fî 4 Rebî‘ülevvel sene [1]256