Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 372 Hüküm no: 564 Orijinal metin no: [75a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Emine Hatun’un talebiyle oğlu Mehmed’e babası Zeynelabidin Efendi tarafından ödenen nafakasına zam yapıldığı Zamm-ı nafaka 15 guruş Ma‘rûz Sâhibe-i arzuhâl mu‘arrefetü’z-zât Şerife Emine bt. Mustafa nâm hatun İstanbul Bâb Mahkemesi’nde meclis-i şer‘de zevc-i sâbıkı derûn-ı arzuhâlde mezkûrü’l-ism Zeynelabidin Efendi b. Mustafa nâm kimesne muvâcehesinde merkūm Zeynelabidin Efendi <> ile mukaddemâ zevciyyet beynimizde kāime iken mezbûrun firâşından hâsıl ve benden mütevellid bi-hakkı’l-hıdâne hâlâ hacr ü terbiyemde olan sulbî oğlu Mehmed nâm sagīrin nafaka ve kisve-bahâsi’çün babası merkūm üzerine bundan akdem bâ-hüccet-i şer‘iyye beher şehr on beş guruş farz ü takdîr olunmişidi lâkin meblağ-ı mezkûr kadr-ı ma‘rûfdan ekall olduğundan sagīr-i mezbûrun nafaka ve kisvesine vâfî ve kâfî olmayıp meblağ-ı mezkûr üzerine kadr-ı kifâye meblağ farz ve takdîr olunmak bi’l-hıdâne matlûbumdur dedikde ol dahi ba‘de’t-tasdîk sagīr-i mezbûrun nafaka ve kisve-bahâsi’çün mukaddemâ takdîr olunan beher şehr on beş guruş üzerine şehriye on beş guruş dahi kıbel-i şer‘den zam ve ilhâk ve takdîr olunup meblağ-ı mecmû‘-ı mezkûr beher şehr on beş guruş sagīr-i mezbûrun nafaka ve kisve ve sâir levâzım-ı zarûriyesine harc u sarfa ve lede’l-iktizâ istidâneye ve inde’z-zafer babası mezbûr Zeynelabidin Efendi üzerine rücû‘a vâlidesi ve hâdinesi merkūme Şerife Emine Hatun’a izin verildiği huzûr-ı [âlîlerine i‘lâm olundu] Fî 12 Rebî‘ülevvel sene [1]256