Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 77 Hüküm no: 40 Orijinal metin no: [8b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miras yoluyla intikal eden payın mirasçılar tarafından alındığı Mehmet Çelebi, Kasım Çelebi, Mustafa Bey, Rahime Hatun, Tahsine Hatun, Mehmed Bey b. Kasım ve Selime Hatun bt. Şâkir Bey kıbellerinden cemî‘ âti’z-zikre vekâleti Kasım Bey b. Ali ve Mustafa b. Ali’nin şehâdetleri ile sâbit olan İbrahim b. Ramazan nâm kimse meclis-i şer‘-i şerîf ve mahfil-i dîn-i münîfe hâzır olup Beytülmâl-i hâs emîni Mehmed Çelebi b. Ali ve bundan akdem Bursa’da vefât eden Boğdanlı Emirzâde diye ma‘rûf merhûm Mehmed Bey’in Arslan Bey ve (…) nâm sagīreynine kıbel-i şer‘den mansûb vasîsi ve yine sagīreyn-i mezkûreyne kıbel-i şer‘den mansûb vasîler olan Mustafa Bey b. (…) ve (…) bt. Abdullah mahzarlarında şöyle ikrâr ve i‘tirâf eyledi ki, Mehmed Çelebi ve Kasım Çelebi ve Mustafa Bey nâm müvekkillerimin ana-baba bir kardeşi olan Mü’mine Hatun bt. Mehmed Bey ve Rahime Hatun ve Muhsine Hatun ve sadriyye kızı Selime Hatun, verâset bunlara âiddir. Bundan akdem vefât eden merhûm zevcinin muhallefâtından hissesini ve mehr-i müeccelini almadan öldüğünde müvekkilûn-i mezbûrûn müteveffât-ı mezbûreye verâset-i şer‘î ile intikal eden emvâli vasiyy-i mezbûrlar yedi ile ahz ü kabz etti. Müteveffâ-yı mezbûrun zimmetinde bir akçe ve bir habbe hakları kalmadı. Biribirlerinin zimmetini cemî‘ da‘vâ, eymân, mutâlebât ve muhâsamâttan umûmen, mütevveffâ-yı mezbûrdan irs-i şer‘le intikal eden mallar hakkında husûsen ibrâ-yı tâm ile ibrâ eylediler. Mezkûr vasîler vâki‘ ikrârı bi’l-müvâcehe tasdîk eyledi. Şuhûdü’l-hâl: İbrahim b. Kurd, Ahmed b. Abdullah, Şükür b. Nimetullah, el-Hâc Süleyman b. Mustafa, İbrahim b. Hüseyin, el-Hâc Hasan b. Ali, Abdullah b. Ahmed, Ferruh [b.] Abdullah