Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 79 Hüküm no: 46 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer Ağa b. Abdullah’ın Beytülmâl emini olan Mehmed Çelebi b. Ali’den parasını tahsil ettiği [Yev]mü’l-erbi‘â Oldur ki Cafer Ağa b. Abdullah şer‘-i şerîf-i nebevîde hâliyâ mahrûse-i Galata’da hâssa beytülmâl emîni olan Mehmed Çelebi b. Ali mahzarında takrîr-i kelâm kılıp dedi ki: Bundan akdem Motonlu Yani nâm gaybet-i münkatı‘a ile gāib olan zimmînin Galata kazâsına tâbi‘ Ortaköy nâm karyede vâki‘ olan hudûdu ve hukuku ma‘lûm olan evlerini altı bin altı yüz akçeye istiğlâl tarîkiyle satın almış idim. Hâliyâ mezbûr zimmî gāib olmağın mezbûr emîn zikr olunan [evi] zabt edip nıkzını [nısfını] altı bin akçeye bey‘ edip Dergâh-ı mu‘allâ’dan bu husûsun istimâ‘ına hükm-i şerîf irâd edip emîn-i mezkûr muvâcehesinde istiğlâl tarîkiyle iddi‘âmı isbât edip tekrâr emr-i şerîf irâd edip mezbûrun akçesin aliveresiz deyu fermân olunmağın hâliyâ mezbûr emînden zikr olunan zimmînin evlerine müte‘allik olan altı bin akçeyi alıp kabz edip üzerinde meblağ-ı mezbûrdan bir akçe kalmadı dedikde mukırr-ı mezbûru mukarrun-leh Mehmed Çelebi bi’l-müvâcehe tasdîk eylediği gıbbe’t-taleb kayd olundu. Şuhûdü’l-hâl: Mevlânâ Nureddin Halîfe b. Muslihiddin el-müderris, Fazlullah Çelebi b. Ali ve el-Hâc Mahmud b. Abdullah, Keyvan b. Abdullah ve gayruhüm.