Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 82 Hüküm no: 52 Orijinal metin no: [10b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gevher Sultân bt. Ahmed Bey’in kocası ile muhâla‘a yoluyla boşandığı Kıdvetü’l-muvakkarât veresetü’l-mükerremât Gevher Sultân bt. merhûm u mebrûr Ahmed Bey emîr-i livâ kıbelinden âti’z-zikr ikrâra vekâleti el-Hâc Hüseyin b. Abdullah ve Keyvân b. Abdullah’ın şehâdetleri ile sâbit olan vekîl-i şer‘î Ahmed Bey b. Abdullah ez-zevvâk nâm kimse meclis-i şer‘-i şerîfe gelip şöyle ikrâr eyledi ki, müvekkile-i mezbûresi Gevher Sultân’ın müteferrika cemâ‘atinden olan hâfız-ı kitâb Mehmed Çelebi b. Mustafa nâm zevcinin zimmetinde nikâhında ma‘kūd-ı aleyh olan mehr-i muahharı cihetinden râyicü’l-vakt altmış bir bin akçe hakkı var idi. Meblağ-ı mezkûru ahz ü kabz etti. Sonra nafaka-i iddeti ve sâir hukuk-ı şer‘iyyesi üzerine zevc-i mezkûru ile muhâla‘a eyledi. Zevc-i mezbûr da onunla muhâla‘alaştı. Muhâla‘aten sahîhaten şer‘iyyeten. Mezbûre Gevher Sultân sonra zevcinin zimmetini cemî‘ de‘âvî, mutâlebât, eymân ve muhâsamâttan ibrâ eyledi. Vâki‘ ikrâr, mukarrun lehü’l-mûmâ ileyh tarafından bi’l-müvâcehe tasdîk edildi. Şuhûdü’l-hâl: Şuhûdü a‘lâhu